Archifau

Categorïau

free counters

Llandysul a Pont-Tyweli Penwythnos Gerdded

Dydd Gwener 28ain, 29ain a 30ain Medi 2018

Dyma’r drydedd flwyddyn y cynhelir penwythnos gerdded, sy’n cael ei redeg gan grwp Croeso Cerddwyr Llandysul a Phont-Tyweli Ymlaen. Mae 8 o deithiau cerdded eleni yn dechrau gyda thaith gerdded hanes lleol o amgylch Pont-Tyweli ar nos Wener. Ceir taith gerdded gweithgareddau teuluol mewn coetir ynghyd â thaith gerdded wedi’i hanelu at ddysgwyr Cymraeg o bob gallu ynghyd â theithiau cerdded amrywiol o ran hyd a sgil mewn coetir, dyffrynnoedd afon a’r llwybr arfordirol.

Ar nos Sadwrn bydd twmpath gyda Erwyd Howells a Bryan Jones yng Ngwesty’r Porth, Llandysul, am 8:00yh, mynediad £4.00. Croeso i bawb. Mae’r penwythnos yn gorffen gyda te Cymreig yng Ngwesty’r Porth o 4:00pm sy’n rhad ac am ddim i gerddwyr gyda thocyn, neu £5.00 y pen os nad yn cymryd rhan mewn teithiau cerdded. Ffoniwch 01559 362202 i archebu.

Mae’r teithiau cerdded yn costio £4.00 y pen os wedi archebu ymlaen llaw neu £5.00 ar y diwrnod. Ni chodir unrhyw dâl ar gyfer plant dan 16. Mae pris y teithiau cerdded yn cwmpasu holl weinyddiaeth a thrafnidiaeth lle bo angen. Dyddiad cau ar gyfer archebu fydd 14eg mis Medi. Cefnogir penwythnos gan Cyngor Cymuned Llandysul a Trefnidiaeth Cymunedol Dolen Teifi.

Am fanylion llawn, gweler y wefan www.llandysulponttyweli. co.uk.

Taith Tractorau Dolgran

Bu’r Daith Tractorau LLun y Pasg o Dolgran Pencader, a drefnwyd gan Tom Lewis, unwaith eto mor boblogaidd ag erioed er i’r gyrwyr orfod wynebu tywydd ofnadwy gyda glaw trwm a gwyntoedd cryfion ar y ffordd ond yn codi’r swm anhygoel o £3,630 i Gangen Ceredigion o ‘Cŵn Tywys i’r Deillion.’

35 o dractorau aeth ar y daith gyda nifer o yrwyr (nad oedd ganddynt y tractor addas yn y tywydd gwlyb), a nifer fawr o gefnogwyr wedi ymgynnull i’w gweld yn gadael, ac i roi rhoddion tuag at yr elusen. Cynhaliwyd arwerthiant fach cyn dechrau, a gwerthwyd tocynnau raffl yn ystod y dydd.

Derbyniwyd nifer o roddion, a daeth un o mor bell ag Hong Kong sydd yn profi mor boblogaidd mae’r Daith Tractorau yma erbyn hyn.

Dymuna Tom Lewis ddiolch i bawb am bob cefnogaeth, y rhai wnaeth gasglu arian noddi, y noddwyr, yr arian a roddwyd, y gwobrau raffl, prynwyr y tocynnau raffl, ac yn bennaf y gyrwyr tractorau, (rhai heb ‘cabs’ ar eu tractor) a deithiodd 15 milltir o Dolgran, drwy Gwyddgrug, Pencader, Pentrecwrt, a Saron i Drefach Felindre, gan alw yn y ffatri wlân ar y ffordd pryd cafwyd sgwrs ddiddorol iawn, cyn gorffen gyda pryd o fwyd hyfryd a blasus yn y Red Lion.

DIOLCH YN FAWR I BAWB.

Yn y llun gweler Tom Lewis yn cyflwyno siec am £3630 i Ruth Edwards sydd yn gwirfoddoli gyda ‘Cwn Tywys i’r Deillion’. Yn y llun hefyd mae Louise Jenkins sydd yn ddall, yn byw yn Drefach Felindre gyda’i chi Trinity. Mae’n costio £56,000 i gadw a dysgu ci tywys o’r pryd fydd yn cael ei eni hyd nes ymddeol. Gall un person gael hyd at 8 ci sydd yn costio £450,000. Mae cymerid tuag ugain mis i hyfforddi ci. Mae un person yn colli golwg bob awr yn Deyrnas Unedig. Yn y 7 mlynedd diwethaf mae rhestr aros ci Tywys wedi codi 25%.

Ychydig fwy o fanylion costau ci Tywys:

£5.00 – yn cefnogi ci Tywys am un diwrnod

£20.00 – awr o hyfforddi ci tywys

£25.00 – prynnu harnes gwyn i’r ci

£140.00 – prynu cit dechrau i berchennog newydd sydd wedi derbyn ci tywys.

Digwyddiad Nesaf Clwb Hanes Lleol

Clwb Hanes Lleol

Bydd Clwb Hanes Lleol Llanfihangel-ar-arth a’r Plwyf yn ail-ddechrau’i gyfres o sgyrsiau a chyflwyniadau yn yr Hydref.

Byddwn ni’n cwrdd ar Hydref 4ydd, Tachwedd 1af a Thachwedd 29ain.

Bydd y siaradwyr a’u testunau’n cael eu cadarnhau’n nes ymlaen a bydd y manylion ar www.pencader.org.uk.

Cynhelir y cyfarfodydd yn Neuadd yr Ysgol, Llanfihangel, am 7:30yh. Mynediad fydd £3.00 a fydd yn cynnwys lluniaeth a raffl.

Croeso cynnes i bawb.

Merched y Wawr Pencader a’r Cylch

Mae Merched y Wawr yn cyfarfod mewn gwahanol leoliadau yn yr ardal yn ystod y flwyddyn. Eleni byddwn yn dathlu 50 mlynedd ers sefydlu’r gangen.

I ddechrau rhaglen y flwyddyn byddwn yn cyfarfod yn festri Capel Tabernacl Pencader, ar 24ain o Fedi am 7:30 yh. Cwiltio fydd y pwnc ac arddangosfa o gwiltiau gan, Eirwen Robinson o Lanfyrnach.

Croeso i aelodau newydd, boed yn siaradwyr Cymraeg neu ddysgwyr

Glanhau’r Hydref

Cynhelir “Glanhau pentref” yr Hydref ddydd Sadwrn 13 Hydref, i ddechrau am 10:00yb o’r Pafiliwn.

Gellir cael ffyn casglu, bagiau, menig, tabardau ac ati yn y Pafiliwn a’u dychwelyd gyda’r sbwriel a gasglwyd.

Fel arfer, mae Glanhad yr Hydref yn heriol i ddweud y lleiaf, ac rydym wir angen eich help ar y diwrnod yma.

Os na fydd hynny’n bosibl, ceisiwch wneud rhywfaint ar y diwrnod cynt neu bryd bynnag mae’n gyfleus gennych.

Dewch i helpu os gwelwch yn dda, rydym wir angen chi.

Darperir lluniaeth ar ôl gorffen.

Gwybodaeth bellach gan Stuart, ffoniwch 01559 384709

Parti Pwmpen

SIOE HWYL ARDD A CHREFFT

GRŴP ADFYWIAD PENCADER A’R CYLCH

 *********************

SIOE HWYL ARDD A CHREFFT

*********************

PAVILION

PENCADER

*********************

DYDD SADWRN 8 MEDI 2018

*********************

Tâl mynediad: – 40c yr eitem, 20c i blant, yn daladwy ar y dydd

 Drysau ar agor i’r cyhoedd am 11.45yb

Dylai eitemau gael eu symud rhwng 1 & 2yp

2018 Sioe Hwyl Ardd a Chrefft Cliciwch i lawrlwytho copi printiadwy o’r manylion llawn gyda’r ffurflen.
Mwy o fanylion ar gael yma…

Entrants must reside in the Pencader area including Alltwalis, Dolgran, Gwyddgrug, Llanfihangel ar Arth, New Inn and Pont Tyweli

Grŵp Adfywiad Pencader a’r Cylch

Allech chi ein cefnogi ni?

Mae Grŵp Adfywiad Pencader a’r Cylch yn eiddgar i gael mwy o bobl a fydd yn cefnogi’i weithgareddau.

Bydd y cyfarfod nesaf ar ddydd Llun 15  Hydref am 7:30 pm, y yn y Pafiliwn.

Dewch ymlaen os gwelwch yn dda.

SYLWCH OS GWELWCH YN DDA

“Mae angen dosbarthwyr Clecs ym mhentref Pencader – os ydych yn hoffi cerdded a chwrdd a phobl ac am helpu cysylltwch a Jane ar 01559 384187 neu Stuart ar 01559 384709”

Mae ein cyfarfodydd yn cael eu cynnal ar y drydedd nos Lun yn y mis yn y Pafiliwn, Pencader, am 7:30 yh.

IONAWR Cynhaliwyd cyfarfod blynyddol ac ail-etholwyd y swyddogion.

Cadeirydd: Stuart Wilson

Is-gadeirydd: Chris Fuller

Ysgrifennydd/Trysorydd: Jane Griffiths

Derbyniwyd adroddiad y Cadeirydd a’r trysorydd a trafodwyd yr angen i godi mwy o arian a ffyrdd i ddenu mwy o gefnogwyr.

Dilynwyd y Cyfarfod Blynyddol gyda’r cyfarfod Misol. Os fydd rhaid i’r argraffwyr archebu papur ysgafnach i Clecs, gan nad ydynt yn arfer ei ddefnyddio, bydd hyn yn dileu y gostyngiad yn y gost o bostio.

Y goleuadau Nadolig wedi eu beirniadu, a’r tystysgrifau wedi eu rhoi allan. Mae’n bosib fod

Mae darparwr newydd posibl wedi cynnig cymorth gyda dosbarthi CLECS.

Dim ymateb i’r cais am gymorth gyda’r wefan a Clecs.

RHAGFYR Derbyniwyd ymholiad ynglŷn a golygydd Clecs, ond ni roddwyd unrhyw fanylion cyswllt.

Trafodwyd costau postio Clecs ac os fydd yn rhatach i ddefnyddio papur ysgafnach.

Premiwm Yswiriant atebolrwydd i’w dalu mis nesaf gyda’r gost wedi cynyddu, trafodwyd yr angen i godi arian.

TACHWEDD Mae angen mwy o ddosbarthwyr CLECS gan fod dau wedi gadael yr ardal.

Cais am gymorth gyda’r wefan a postio Clecs ar y wefan.

Innogy yn trefnu gyfarfod i drafod Budd Cronfa Gymuned oddiwrth fferm wynt newydd Brechfa. Cynhelir cystadleuaeth Goleuadau’r Nadolig eleni eto.

Hydref - Bu’r sioe “Gardd a Chrefft” yn llwyddiannus iawn, bydd angen mwy o le’r flwyddyn nesaf. Mae’r canlyniadau wedi eu hysbysu mewn llawer o ganolfannau ar hyd y pentref oherwydd teimlir bod gormod o amser i aros hyd nes i’r cylchlythyr ymddangos ym Mis Rhagfyr.

Roedd yn dda gweld nifer o blant yn helpu gyda’r glanhau

Awst - Mae’r cynlluniau ar gyfer y sioe “Gardd a Chrefft” wedi eu cwblhau.

Nid oedd llawer o erddi i’w cysidro ar gyfer “Blodeuwyr y Cadeirydd”, mae gan drigolion mwy o ddiddordeb mewn cadw potiau a chynwysyddion na’r gerddi traddodiadol.

Dyddiad wedi ei bennu ar gyfer “Glanhau’r Hydref”. Dim cyfarfod ym Mis Medi.

Gorffennaf – Manylion y sioe Ardd a Chrefft fel a drafodwyd. Copi o amserlen i’w hanfon at y Golygydd i ffurfio tudalen gefn Clecs mis Medi fel arfer. Bydd copïau hefyd yn cael eu gadael yn y siopau. Adroddodd y Cyng Linda fod Pencader unwaith eto wedi bod yn aflwyddiannus gyda’r cais am arian a fyddai’n cynnwys palmant i lawr o Tremle i Masescader. Mae’r porfa heb eu dorri ddiweddar ger y safle bws ym Maescader yn dybiedig i fod yn ardal blodau gwyllt. Mae cludo rhannau tyrbin yn achosi oedi i’r drafnidiaeth ar y ffordd o Gaerfyrddin. Gall trigolion ofyn am neges destun o Innogy am amserau y cludo.

Mehefin - Mae Baneri wedi’u gwneud i hyrwyddo’r Grŵp mewn gwahanol ddigwyddiadau a hefyd un ar gyfer y Sioe Ardd. Hysbysfwrdd i’w dynnu oddi ar wal siop “Local Bargains” i’w ail-leoli yn y pafiliwn gan PIDA oherwydd anhawster mynediad iddo. Pob copi o Clecs Bro Cader mis Mehefin a adawyd mewn siopau lleol wedi mynd o fewn wythnos. Gwefeistr yn apelio am rywun i helpu gyda’r wefan a chynnal a chadw rheolaidd.

Mai – Mae rhestr cystadlaethau Sioe Gardd wedi ei baratoi a bydd yn ymddangos yn Clecs Mis Medi. Mynegwyd pryder ynglŷn a mynedfa at y Bwrdd hysbysebu’r Gymuned sydd ar wal ‘Bargenion Lleol’. Awgrymwyd ei symud i’r Pafiliwn. Anfonwyd cwynion at Cyngor Sir Caerfyrddin am gyflwr y llwybrau troed cyhoeddus ar rhodfa dolen Pencader, sticlau wedi torri a’r droedffordd yn anodd i’w cerdded mewn mannau.

Ebrill – Cynhaliwyd bore glanhau llwyddiannus iawn gyda nifer o wynebau newydd yn cynorthwyo. Bydd gan y grŵp stondin gwerthu cardiau yn Ffair yr Ysgol ym Mis Gorffennaf. Mae angen cynhyrchu tudalen wybodaeth neu boster yn hysbysu’r cyhoedd o rôl y grŵp yn y gymuned. Trafodwyd Gwasanaeth newydd y Cyngor Sir ar gyfer casglu Gwastraff Gardd . Mae’r wybodaeth i’w weld ar wefan y Cyngor Sir yn unig. Efallai na ddylid cymryd yn caniataol bod gan bawb fynediad i gyfrifiadur.

Mawrth – Mae rhifyn Mawrth o’r newyddlen wedi medru cael eu gynhyrchu gyda diolch i Statkraft, sydd wedi rhyddhau rhan cyntaf y grant y cynigiwyd amdano. Cafwyd derbyniad da iawn i’r rhifyn a oedd yn cynnwys blaen dudalen lliw. Llongyfarchiadau i’r cysodydd am rifyn arbennig. Awgrymwyd y byddai’r ysgol yn medru cyfrannu tudalen ar gyfer Plant i “Clecs Bro Cader”.

Eisteddfod Leol

Eisteddfod Llanfihangel-ar-arth a’r Plwyf

I weld yr adroddiad ar gyfer 2018 a chanlyniadau llawn cliciwch ar y dolenni isod.

                   Adroddiad                    Canlyniadau

Sefydliad y Merched

Mae’r cyfarfodydd diweddar wedi bod yn adloniadol iawn.

Ym Mis Mawrth fe fu’r cyfarfod yng ngwesty’r Porth ar gyfer ein cinio Dydd Gwyl Dewi. Fel arfer fe gawsom ein cyfarfod tra yr un pryd fwynhau coginio traddodiadol Cymreig .

Roedd Cyfarfod Mis Ebrill yn fywiog iawn . Richard Keen y chwaraewr Ukulele ddaeth i ymweld a ni. Daeth a digon o offerynnau gydag ef fel bod pawb yn medru cael tro i chwarae.

Cawsom amser bendigedig. Wedi ymarfer ychydig, roeddem yn medru chwarae “Singing the Blues” gyda’n gilydd er dipyn y araf.! Roedd Richard yn siaradwr adloniadol iawn: Roedd yn brynhawn hwyliog.

Roedd y wibdaith i erddi Aberglasney’n hyfryd. Cawson ein tywys o gwmpas y gerddi uchaf. Yn dilyn y daith mwynhawyd te prynhawn.. Roeddem yn ffodus bod y galw wedi cadw i ffwrdd nes inni gyrraedd yn ôl i’r bws mini yn barod am y daith adre!

Mae gennyn gynifer eto o gyfarfodydd diddorol wedi eu trefnu ar gyfer y flwyddyn:

Dydd Mawrth Mehefin 5ed sgwrs am wenyn a sut i’w denu.

Dydd Mawrth Gorffennaf 3ydd taith diwrnod i Đŷ Llanelli.

Dydd Mawrth Medi 4ydd sgwrs: Swyddog Safonau Masnach

Dydd Mawrth Hydref 2il Pwysigrwydd cerdded er lles Iechyd.

Os hoffech ymuno gyda ni ar unrhyw bryd , byddem yn falch o’ch gweld.

Rydym yn cyfarfod yn y Pafiliwn am 2yp ar y Dydd Mawrth cyntaf o’r mis.

Gall aelodau o Sefydliad y Merched gymryd rhan mewn gweithgareddau a digwyddiadau eraill, fydd yn cael eu trefnu gan y ffederasiwn. ee Clwb Llyfrau, Dominos, Dartiau, Gweithdai crefft, Teithiau Cerdded, Cystadlaethau, Sioe Ffasiynau, a gwyliau byr.

(Yn ddiweddar bu Mary yn mwynhau taith i’r Iseldiroedd gyda Sefydliad y Merched)

felly, os ydych yn ystyried ymuno, mae llawer mwy i Sefydliad y Merched na chyfarfodydd misol yn y Pafiliwn.