Grŵp Adfywiad Pencader a’r Cylch

Allech chi ein cefnogi ni?

Mae Grŵp Adfywiad Pencader a’r Cylch yn eiddgar i gael mwy o bobl a fydd yn cefnogi’i weithgareddau.

Bydd y cyfarfod nesaf ar ddydd Llun 21fed Hydref am 7:30 pm.

Dewch ymlaen os gwelwch yn dda. SYLWCH OS GWELWCH YN DDA “Mae angen dosbarthwyr Clecs ym mhentref Pencader – os ydych yn hoffi cerdded a chwrdd a phobl ac am helpu cysylltwch a Jane ar 01559 384187 neu Stuart ar 01559 384709” Mae ein cyfarfodydd yn cael eu cynnal ar y drydedd nos Lun yn y mis yn y Pafiliwn, Pencader, am 7:30 yh. Os hoffech ymuno a’r Grŵp, dewch draw i’r cyfarfod nesaf – a gynhelir am 7.30 yn y Pafiliwn ar y trydydd dydd Llun o’r mis. 

Mai 2019

Roedd yn braf gweld wyneb newydd o New Inn yn ymuno â’r grŵp. Mae gwaith ar y wefan newydd www.pencader.org.uk yn parhau, roedd y data newydd wedi cael ei uwchlwytho i’r wefan, ond roedd cryn dipyn wedi mynd ar goll yn y broses, sy’n golygu tipyn o waith i John ac Emma ei adfer. Fodd bynnag, mae’r wefan newydd bellach ar gael ar bob dyfais gan gynnwys ffonau symudol a thabledi.

Cytunwyd ar raglen Sioe Ardd a Chrefft mis Medi, a byddwn yn paratoi eitem i hyrwyddo Gwobr Jane Billington i’r dudalen flaen. Bydd yr amserlen yn cael ei argraffu ar dudalennau cefn rhifynnau Mehefin ac Awst o Clecs Bro Cader.

Roedd yr ymateb i’r arwerthiant Pen Bwrdd yn siomedig, ni chafwyd cefnogaeth gan werthwyr na phrynwyr. Gwnaeth Louisa’r sylw nad oes digon o aelodau’n dod ymlaen i gynnig syniadau a digwyddiadau newydd. Mae’n rhaid i’r Grŵp symud gyda’r amser a denu pobl ifanc y gymuned os yw am oroesi.

Mehefin 2019

Yn anffodus, cyhoeddodd Dotti y bydd yn rhaid iddi roi’r gorau i’w gwaith fel Golygydd Clecs o ganlyniad i broblem gyda’i iechyd.

Dosbarthwyd Clecs Mehefin a rhoddwyd taflen i hysbysebu’r Te Mefus ym mhob copi lleol. Trafodwyd manylion terfynol ar gyfer y digwyddiad dydd Sul, byddai angen gwobrau raffl a chacennau i’r lluniaeth.

Prynwyd placiau disgrifiadol ar gyfer Gwobr Jane Billington. Roedd Stuart wedi siarad â phrifathrawes yn yr ysgol a dywedodd y byddai’r plant yn paratoi gwaith celf ar gyfer y Sioe ym mis Medi.

Diolch i grefftwr lleol am ailosod yr estyll ar y fainc dderw ger y panel dehongli, mae hefyd wedi cael ei sgwrio a’i lanhau. Mae’r cennin Pedr wedi cael eu torri’n ol a phlannwyd planhigion yr haf yn ei lle. Mae angen gwneud rhywfaint o waith atgyweirio ar y panel dehongli, ond ni wyddom pwy i holi.

Ebrill 2019

Y wefan bressennol wedi ei diweddaru gyda’r CBC diwethaf, ynghyd a gwybodaeth Skanda Vale am eu teithiau cerdded. Mae’r ffeiliau sydd wedi eu diweddaru wedi ei danfon i SCL er mwyn iddynt drosglwyddo y safleoedd drosodd.

Gwerthiant Pen Bwrdd wedi ei hysbysebu ar y wefan, Gweplyfr a phosteri yn y llefydd arferol.

Cafwyd gwybodaeth na fyddai Carnifal eleni oherwydd diffyg cefnogaeth yn y gymuned.

Naw person wedi helpu gyda’r glanhau a chasglwyd 18 o fagiau spwriel. Erbyn y casglwyd gan CCC ‘roedd yna 10 bag ychwanegol yn llawn pridd a lludw wedi ymddangos.

Nid yw hyn yn dderbynniol, na hefyd taflu spwriel dros y wal ar y bont.

Mae y blwch newydd wedi ei osod yn yr Ardal y Panel ac mae neges o ddiolch wedi ei ddanfon i’r person haelionus.

Mawrth 2019

Archebion a ddanfonwyd ar gyfer adnewyddu hysbyseb yn CBC, os heb eu talu pan fydd y rhifyn yn mynd i ‘w argraffu fe fydd yn cael ei ddileu.

Gan fod pris postio yn codi diwedd y mis prynhwyd cyflenwad o stampiau ar y pris presennol er mwyn cadw y costiau o fewn y cais grant.

Mae Louisa wedi cymeryd drosodd fel cydlynydd Gweplyfr.

Mae’r gwaith ar y wefan newydd yn parhau, mae angen diweddaru y Cyfarwyddiadur ar y we, cais i’w rhoi yn clecs am gyfarwyddiadau newydd.

Archeb wedi ei dderbyn ar gyfer atgyweirio y fainc pren caled, aros am un arall cyn gwneud penderfyniad.

Ffurflenni glanhau wedi ei danfon i CCC gyda cais am offer gyfarpar.

Skanda Vale wedi gofyn am lythyr i gefnogi ei cais i Fferm wynt Brechfa ar gyfer prosiect. Penderfynwyd ei cefnogi.

 

 

 

 

 

 

Sioe Hwyl Garddio a Chrefft 2019

PENCADER & DISTRICT REGENERATION GROUP GRŴP ADFYWIAD PENCADER A’R CYLCH

*********************

FUN GARDEN AND CRAFT SHOW

SIOE HWYL ARDD A CHREFFT

*********************

PAVILION

PENCADER

*********************

SATURDAY 14 SEPTEMBER 2019

DYDD SADWRN 14 MEDI 2019

*********************

Entry fees: – per item 40p, children 20p, payable on the day

Tâl mynediad: – 40c yr eitem, 20c i blant, yn daladwy ar y dydd

Doors open to the public at 11.45 am

Drysau ar agor i’r cyhoedd am 11.45yb

Items to be removed between 1 & 2pm

Dylai eitemau gael eu symud rhwng 1 & 2yp

Entrants must reside in the Pencader area including Alltwalis, Dolgran, Gwyddgrug, Llanfihangel ar Arth, New Inn and Pont Tyweli

Am fwy o wybodaeth, CLICIWCH YMA

For more information, please CLICK HERE

GOLYGYDD NEWYDD I ‘CLECS BRO CADER’

Mae cyfle cyffrous wedi codi am Olygydd newydd i ‘Clecs Bro Cader’, y Cylchlythyr Cymunedol dwyieithog uchel ei barch ac wedi’i werthfawrogi ar gyfer Pencader a’r Cylch, o fis Hydref 2019 ymlaen.

Rhaid i ymgeiswyr fod yn gyfarwydd iawn â chyfrifiaduron, yn fedrus â phrosesu geiriau a rheoli graffeg, gallu cyfathrebu gyda grwpiau eraill yn yr ardal a gweithio i amserlen dynn. Byddai’r gallu i siarad Cymraeg yn fantais ond ddim yn hanfodol.

Er does dim tâl am y swydd hon, byddai hi’n bosibl i ad-dalu am nwyddau cyfrifiadurol sy’n cael eu defnyddio i baratoi pob rhifyn.

Mae’r Grŵp Adfywiad wedi cyhoeddi 6 rhifyn y flwyddyn o ‘Clecs Bro Cader’ am ychydig mwy na 12 mlynedd, mae rhifyn 96 newydd gael ei roi ar y wefan.

Os allwn ni ddim dod o hyd i olygydd newydd, yna’r rhifyn olaf fydd yr un mis Awst. Bydd yn drueni o’r mwyaf os bydd yn rhaid i’r gwasanaeth poblogaidd iawn sy’n cael ei ddisgrifio fel un sy’n darparu gwasanaeth cymunedol hanfodol, dod i ben.

Os ydych chi’n credu y gallwch chi dderbyn yr her, cysylltwch os gwelwch yn dda â

Keith Pratt – Ffôn 01559 384412 neu e-bost: pdrg@ffermffynnonwen.plus.com

Jane Griffiths – Ffôn 01559 384987 neu ebost janegriffithsuk@btinternet.com

am fwy o wybodaeth

BWRW BOL

Awst 2019

Mae gwaith diddorol iawn yn cael ei wneud gerllaw fflatiau’r gymdeithasau tai yng nghanol y pentref. Mae Thermal Earth yn tynnu gwres o’r ddaear i’w ddefnyddio yn y fflatiau. Mae plant yr ysgol wedi bod yn ymweld â’r safle i weld y rig drilio a’r gwaith cysylltiedig ac yn dysgu am ynni cynaliadwy.

Trefnwyd nifer o ddigwyddiadau gan y Grŵp Adfywio eleni, y prynhawn Gemau Bwrdd oedd y lleiaf poblogaidd ond yn ffodus roeddem wedi dod a’n plant ein hunain, a cafwyd prynhawn dymunol a difyr.

Trueni na fuasem wedi cael gwell cefnogaeth i’r Arwerthiant Pen y Bwrdd, ond ni wnaeth glaw trwm Storm Hannah helpu.

Ein digwyddiad diweddar, y “Te Mefus” oedd y digwyddiad mwyaf llwyddiannus, gyda’r atyniad ychwanegol o gemau a chwaraeon ar y cae chwarae. Yn anffodus daeth y glaw ond ni wnaeth ddifetha mwynhad y prynhawn wrth i rai gemau gael eu symud i mewn i’r Pafiliwn.

Hoffem fel Grŵp, ddiolch i chi. ac rydym bob amser ym ddiolchgar am eich cefnogaeth i ychwanegu at gronfeydd y grŵp.

Cynhelir ein prif ddigwyddiad – y Sioe Hwyl Gardd a Chrefft flynyddol, dydd Sadwrn 14 Medi Argraffwyd rhaglen y Sioe ar gefn y cylchlythyr yma, felly does dim esgus i chi beidio gwybod amdano ac yn sicr dim esgus dros beidio â cystadlu mewn rhai o’r dosbarthiadau niferus sydd wedi’u cynllunio i apelio at bob oedran, chwaeth a gallu.

Mae’n ddiddorol nodi nad yw’r twmpathau cyflymder a symudwyd gyferbyn â’r Ty bach heb ail-ymddangos hyd yma er gwaethaf fy rhagolygon.

Yn y dyfodol, bydd “Man Duw” ar ddiwedd y golofn yma, rhywbeth i’r darllenydd ystyried. Os oes gennych rywbeth yr hoffech ei rannu, rhowch wybod i mi.

Yn y cyfamser, yr un cyntaf yw: 1 Pedr, Pennod 3, adnodau 8 a 9

Sylwadau i’r Ysgrifennydd plis

(janegriffithsuk@btinternet.com)

neu Stuart Wilson, Ffon: 01559 384709

Mehefin 2019

Fel y gwennoliaid (ac yn ei hamser y gwennoliaid dingoch) mae y “Space Capsule Super Loo” wedi cyrraedd am yr ail flwyddyn ac wedi ei leoli ar y safle gyferbyn ar toiledau cyhoeddus. Tra bod y trafod rhwng y cyrff awdurdodol yn CCC yn parhau diolchwn i’r Cyngor Cymuned am ddarparu y cyfleuster yma.

Nodwn fod y ddau grwmach atal cyflymder ger Tafarn Y Ffarmers wedi ei tynnu i ffwrdd- tebyg fe ddown yn ei hol neu ydi hyn yn gam i’r cyfeiriad cywir.

Mae’r blwch amnewidiol yn Ardal y Panel wedi ei adeiladu a’i osod – diolch i’r trigolyn caredig- yn lle yr un derw gwreiddiol oedd wedi mynd yn rhy bell i’w adnewyddu yn ol rhai. Bydd y fainc angen ei thrwsio yn y misoedd nesaf pan fydd estyll derw cymreig ar gael.

Sylwadau i’r Ysgrifennydd plis
(janegriffithsuk@btinternet.com)
neu Stuart Wilson, Ffon: 01559 384709

~~~~~~~~~~~~~~~~~~~~~~~~~~~~~~~~~~

This Small Corner

Os hoffech brynu copi o lyfr Steve Dubé ar hanes Pencader, mae rhai copïau ar gael yn Llwyngwen. Y pris gwreiddiol oedd £9.99, ond gellwch ei prynu am £7.50. Ffoniwch Stuart os hoffech brynu copi.

Sylwadau os gwelwch yn dda i Golygydd –

ebost: editor@ffermffynnonwen.plus.com

neu Stuart Wilson – ffôn: 01559 384709

Nodiadau o Sied yr Ardd

Awst Nodiadau

Mae dyfrhau’r ardd a’r tŷ gwydr yn ymddangos i gymryd llawer o amser ar hyn o bryd. Mewn gwirionedd heblaw am chwynnu mae hi’n ymddangos i fod y brif dasg yn ddiweddar. Rwy’n siŵr mai’r un i lawer o arddwyr eraill ydy hi ar hyn o bryd. Mae dyfodiad sydyn yr Haf ynghyd â thymereddau sy’n torri recordiadau, wedi golygu bod y nifer o chwyn sy’n egino, yn torri recordiadau sy’n golygu mwy o hofio rhwng y cnydau. Wrth gwrs mae’r tywydd da amser hwn y flwyddyn yn ardderchog i wneud gwair a silwair. Mae’r peiriannau lladd gwair, rhacannau, byrnwyr a pheiriannau lapio wedi bod yn mynd fel cath i gythraul am yr ychydig o wythnosau diwethaf.

Mae’r Hen Gumboot ar ei wyliau ar hyn o bryd, ond wedi trefnu i adio’r apel hon i ARDDWYR, CREFFTWYR a CHOGYDDION i ddod yn brysur a pharatoi’ch ceisiadau am y SIOE HWYL ARDD a CHREFFT flynyddol ym mis Medi. Cafodd y rhaglen ei hargraffu yn rhifyn diwethaf ‘Clecs Bro Cader’ ac yn cael ei ail-argraffu yn yr un hwn, a bydd copiau ychwanegol ar gael o’r siopau lleol ac ati yn nes i’r dydd.

Mae’r Hen Gumboot yn edrych ymlaen at weld neuadd sy’n llawn o gynnyrch, crefftwaith ac eitemau wedi eu pobi. Fel rwy wedi dweud o’r blaen ‘dewch a gweld yr arddangosion ar y bore Sadwrn’ neu hyd yn oed yn well ‘dewch a chynnig rhywbeth eich hun’.

Mwynhewch y garddio

Old Gumboot

Mehefin Nodiadau

Yn y rhifyn yma o’r Clecs mae’r Hen Botasen yn gobeithio ennyn mwy o ddiddordeb yn y Sioe Arddio a Chrefft fydd yn cymryd lle eleni eto yn y Pafiliwn. Mae amryw o ddosbarthiadau ar gyfer cynnyrch o’r ardd, blodau, planhigion mewn potiau a threfniant ffrwythau a blodau. Does dim rhaid i chi gynhyrchu y foron sgleiniog na’r fanglen dryma, dewch ar gorau y medrwch dyfu, falle ellwch rhagori yn well na eich cymydog eleni. Cewch amdani. Mae nawr yn amser da i ddechrau ar yr ardd, digon o amser i gynyrchu rhywbeth ar gyfer y sioe. Mae yna ddigon o wybodaeth sut i dyfu llysiau yn yr ardd ar gael ar y we, felly pam na ewch amdani. Mae ‘na hefyd ddosbarthiadau blodau a phlanhygion ty, yn cynnwys y blodau mwyaf poblogaidd yn yr ardd, felly meithriniwch ychydig o’ch hoff rai a cheisiwch ddosbarth yn y sioe. Wrth weld faint o raglenni teledu ac erthyglau yn y cylchgronnau sydd ar gael mae yn rhaid fod yna nifer o gogyddion yn y wlad. Mae’r rhan coginio o’r sioe yn boblogaidd fel arfer, edrychwch ar rhaglen y sioe i weld beth allwch goginio eleni. ‘Rwy’n siwr fod yna rhywbeth allwch gynnig arni ac falle ewch aref a gwobr. Gall arlunwyr, ffotograffwyr a chrefftwyr hefyd ymgeisio yn y sioe, mae dosbarthiadau ar gyfer plant o wahanol oedran, y rhain sydd fel rheol yn cynyrchu lluniau ac itemau o wahanol ddefnydd arbennig naillai adref neu yn yr ysgol. Mae ‘na ddosbarth ffotograffiaeth eleni eto, dwed y rhaglen am y gosodiad ar maint. Mae dosbarthiadau eraill yn cynnwys gwaith coed a gwau a.y.y.b. Eleni mae yna wobr newydd, ar waith celf mewn unrhyw gyfrwng. Cyflwynwyd y wobr hon am y gwaith yn nhyb y beirniad fydd wedi plesio fwyaf yn y dosbarth arlunio. Datgelir fwy o fanylion yn y rhaglen. Felly fe welwch fod yna rhywbeth gall y rhan fwyaf o fobl gynhyrchu ar gyfer y sioe, mae yn Sioe Hwyl felly nid ydym yn cymryd y peth yn rhy ddifrifol gan ei gwneud yn achlysur garedig fel bo unrhyw un yn y plwyf yn medru cystadlu, felly pam na geisiwch ar rhywbeth eleni a dewch ar y dydd I weld beth mae pawb arall wedi cynnig arni, a dewch am baned a cacen. A wnaiff pob un sydd wedi ennill tlws neu gwpan yn y gorffennol ddod a nhw yn ol ymhell cyn dyddiad y sioe, gellwch ei gadael gyda Avril yn Y Ty Gwyrdd, fe wnaiff hi edrych ar ei hol. Mwynhewch y garddio, Old Gumboot

Ebrill Nodiadau

Mae’r Hen Gumboot yn gadael sied ei ardd heddiw i grwydro lawr y ffordd, am iddo gael gwahoddiad i weld tegan newydd ei gymydog. ‘Ffyrgi bach llwyd’ yw’r tegan newydd mewn gwirionedd. Tybiaf bod y rhan fwyaf o bobl yr ardal amaethyddol yma’n gyfarwydd a thractor Ferguson llwyd. Mae’n siwr bod gan bron pob fferm yn yr ardal dractor Ferguson ar y tir rywbryd, ac yn wir mae rhai’n dal ar eu ffermydd gwreiddiol hyd heddiw. Cyflwynwyd y Ffyrgi fach yr ydym i gyd yn gyfarwydd a hi i’r diwydiant amaeth ym 1946, pwerwyd y model gwreiddiol gan injan betrol Americanaidd ‘cyfandirol’, a fedrai godi i tua 35 celrym, sy’n swnio’n fach o’i gymharu a rhai o’r cewri 200 celrym a welwn heddiw. Adeiladwyd y tractorau mewn cydweithrediad a’r Standard Motor Company, yn ffatri Banner Lane yn Coventry. Roedd y cwmni wedi bod yn cynhyrchu ceir a faniau ers blynyddoedd cyn cychwyn a’r y fenter o adeiladu tractorau. Daeth y Ferguson TE-20 a mecanwaith fforddiadwy i’r fferm fach, roedd yn gallu gwneud y rhan fwyaf o’r gwaith ar y fferm gan defnyddio’r dewis eang o offer a gynlluniwyd yn benodol ar gyfer y tractor, ac wrth gwrs gallai weithio’r ystod eang o offer hŷn a oedd eisoes gan y ffermwr ar y fferm. Defnyddiwyd peth o’r offer hŷn yma’n wreiddiol tu ol i dractorau hŷn neu hyd yn oed geffylau. Cynhyrchwyd tua 500,000 o’r tractorau T20, gyda’r tractor olaf yn gadael y llinell gynhyrchu ar ddiwedd 1956. Mae’n debyg bod cyfran uchel o dractorau rhyfeddol Harry Ferguson yn dal i gael eu defnyddio, ac mae rhai yn cael eu hadfer i’w harddangos mewn raliau tractor a sioeau. Bydd yn rhaid i’r hen Gumboot barhau a’r stori hon wedi iddo gael pip go dda ar y tractor drws nesaf, wedi iddo ddod o hyd i fwy o wybodaeth a all fod o ddiddordeb i’r ddarllenwy. Mwynhewch y garddio (wedi iddi orffen bwrw!!) OLD GUMBOOT    

 

 

 

 

 

 

 

 

 

Clecs Bro Cader

Clecs Bro Cader 96

Cylchlythyr cymunedol ar gyfer ardal Pencader sy’n cynnwys

Mae fersiwn ar-lein o’r rhifyn diweddaraf ar gael yma

Te Mefus a Hwyl a Sbri

Gwawriodd bore dydd Sul y 23ain o Fehefin yn heulog a chlir, ond nid oedd y rhagolygon yn dda ar gyfer y prynhawn. Roedd Pwyllgor y Pafiliwn wedi gwneud gwaith gwych yn paratoi’r cae ar gyfer y digwyddiad fel bod modd chwarae gemau a gweithgareddau awyr agored eraill. Sefydlwyd y stondinau taro coconyt, y golff yn erbyn y cloc a wado’r llygoden fawr, a marciwyd y llinellau ar gyfer y mabolgampau.

Cyrhaeddodd y rhieni a’u plant gyrraedd a dechreuwyd chwarae’r gemau, nes i’r glaw ddisgyn awr yn ddiweddarach. Roedd rhai o’r gemau’n addas i’w mwynhau dan do felly fe’u symudwyd i mewn i’r Pafiliwn. Mae’n drueni mawr gan fod pawb yn awyddus i gymryd rhan a chael eu gwobrwyo am eu hymdrechion.

Fe aeth y mefus a’r hufen i lawr yn dda hefyd. Mae’r Grŵp Adfywio am ddiolch yn fawr i bawb a helpodd i wneud y prynhawn mor llwyddiannus, p’un a’i a oeddent wedi cyfrannu lluniaeth, cacennau, gwobrau raffl, arian neu eu hamser, rydym yn ddiolchgar iawn. Rhaid diolch hefyd i’r siopau lleol – maent bob amser yn barod i arddangos posteri a helpu pan allant.

Roedd yn brynhawn hwyliog a fydd yn cael ei gynnal eto’r flwyddyn nesaf.

Merched y Wawr Pencader a’r Cylch

Ym Mis Mai – fel parhad i’r dathliad 50 mlynedd – cynhaliwyd cyngerdd yng nghapel Gwyddgrug. Cafwyd noson o ganeuon gan Dafydd Iwan, plant capel Gwyddgrug a phlant Tabernacl a profiad gwefreiddiol i’r plant oedd cael canu gyda Dafydd Iwan. Cafwyd itemau hefyd gan yr hudolus Sandie Steffanetti. Diolch i bawb a gymerodd rhan.

I orffen y flwyddyn cafwyd noson o Bowlio Deg gyda swper i ddilyn yn TafarnTanerdy. Mae y gangen wedi bod yn llwyddiannus hefyd yn nwy cystadleuaeth eleni – Rhaglen y Flwyddyn a Gemau Dominoes.

Mae’r gangen wedi codi swm sylweddol at elusen y mudiad eleni sef Project miwsig Merched y Wawr a Canolfan Dementia Prifysgol Cymru.

Little Seedlings Gwasanaeth Gwarchod Plant Newydd

Bydd gan rieni’r ardal y dewis i ddefnyddio gwasanaeth gwarchod plant newydd yng Ngwyddgrug cyn bo hir. Amcangyfrifir y bydd Little Seedlings ar agor erbyn mis Medi, yn ddibynol ar archwiliad terfynol gan Arolygiaeth Gofal Cymru (CIW). Lleolir y gwasanaeth newydd hwn mewn hen laethdy godidog ar dyddyn, wedi’i amgylchynu gan dir amaethyddol, gyda golygfeydd gwych o gefn gwlad. Rydym yn cynnig oriau hyblyg, a gallwn ddarparu gofal amlapio gyda gwasanaeth codi / gollwng.

Mae digon o le parcio preifat oddi ar y stryd a mynediad gwastad di-risiau. Mae digon o le y tu mewn a’r tu allan gyda man chwarae pwrpasol mawr a gardd natur ddiogel.

  • Gofal cartrefol i feithrin a chefnogi’ch plentyn.
  • Dull o arweiniad y blant gyda digon o gyfleoedd i chwarae, gyda phwyslais ar ddysgu trwy chwarae.
  • Grŵpiau bach o oed cymysg sy’n caniatau i frodyr a chwiorydd aros gyda’i gilydd.
  • Treulio llawer o amser yn yr awyr agored drwy gydol y flwyddyn.
  • Mynediad i adnoddau celf, crefftau a cherddoriaeth.
  • Teithiau rheolaidd i Ysgolion Coedwig lleol, llyfrgelloedd, traethau, Y Gerddi Botaneg Cenedlaethol, Cylch Ti a Fi, parciau ayb.
  • Cyfleoedd i blant dreulio amser gydag anifeiliaid.
  • Archwiliad DBS Uwch.
  • Hyfforddedig mewn Cymorth Cyntaf Pediatrig.
  • Yswiriant atebolrwydd cyhoeddus.

Mae Little Seedlings yn dilyn yr un gofynion dysgu ag addysgwyr blynyddoedd cynnar eraill, felly gallwch fod yn sicr y bydd eich plentyn yn cael yr holl gymorth sydd ei angen arnynt i ddysgu a pharatoi ar gyfer bywyd yn yr ysgol ac fel oedolion.

fb.me/littleseedlingschildminding

Tel: +44 (0) 7855 420604

Email: littleseedlingschildminding@gmail.com

Canolfan Deuluol Newyddion

Mae’r Ganolfan Deuluol wedi cytuno ac yn hapus i wneud i fod yn leoliad i’r cynllun Undeb Credyd- “Haws Cynilo”, lle mae modd cynilo arian a benthyca am llog isel. Os angen fwy o wybodaeth, ac am ddechrau cyfrif cynilo i chi a neu ‘r teulu mae’r cynrychiolwyr yn ymweld bob dydd Mawrth 2:00yp – 3:30yp.

‘Rydym wedi ail gydio yn y cynllun Credyd Amser – lle mae modd cynilo credyd am bob awr o wasanaeth gwirfoddol. Gall y cyfrif credyd gael ei ddefnyddio yn aml safleoedd. Os oes gennych ddiddordeb galwch heibio i’n gweld.

Peidiwch anghofio am y cynllun Bwyd Cydweithredol- archebion erbyn canol dydd Mercher os gwelwch yn dda.

Mae’r haf ar ein pennau ac ni wedi trefnu gwybdaith hwyrach ym mis Awst, cadwch olwg allan!

Cael gafael arnom – cod post SA39 9BP, ebost pencaderfamilycentre@btinternet.com, ffôn 01559 384490, ac yn y pentref o gyfeiriad Caerfyrddin y troad chwith cyn y siop flodau, 100 llath ymlaen ar y dde. Galwch i’n gweld unrhyw adeg dydd Mawrth a Iau 9:00yb – 3:00yp a dydd Mercher 9:00yb – 12:00yp.

Page 1 of 5

Powered by WordPress & Theme by Anders Norén